ବିଜୁଳି ଦର ନିର୍ଦ୍ଧାରଣ ନେଇ ଓଇଆରସିରେ ଶୁଣାଣୀ ଦ୍ୱିତୀୟ ଦିନରେ
ୟୁନିଟ ପ୍ରତି ୨୬ ପଇସା ବୃଦ୍ଧି ପାଇଁ ଓପିଜିସିର ଦାବି
ଭୁବନେଶ୍ୱର, ୦୪ ଫେବୃଆରୀ – ରାଜ୍ୟରେ ବିଜୁଳି ଦର ନିର୍ଦ୍ଧାରଣ ନେଇ ଓଡିଶା ବିଦ୍ୟୁତ ନିୟାମକ ଆୟୋଗ (ଓଇଆରସି)ରେ ମଙ୍ଗଳବାର ଦିନ ଶୁଣାଣୀ ଦ୍ୱିତୀୟ ଦିନରେ ପହଂଚିଛି । ଦ୍ୱିତୀୟ ଦିନରେ ଓପିଜିସି ପକ୍ଷରୁ ବିଦ୍ୟୁତ ଶୁଳ୍କ ବୃଦ୍ଧି ନେଇ ପକ୍ଷ ରଖା ଯାଇଥିଲା । କମ୍ପାନୀ ପକ୍ଷରୁ ପ୍ରତି ୟୁନିଟ ୨୬ ପଇସା ବୃଦ୍ଧି କରିବାକୁ ଦାବି କରାଯାଇଛି ।
ଏହି ଶୁଣାଣୀ କାର୍ଯ୍ୟକ୍ରମ ୧୪ ତାରିଖ ଯାଏ ଚାଲିବ । ଆଗାମୀ ୫ ତାରିଖରେ ଗ୍ରିଡକୋ, ୬ ତାରିଖରେ ଓପିଟିସିଏଲ, ଓ ଏସଏଲଡିସି, ୭ ତାରିଖରେ ନେସ୍କୋ, ଆଗାମୀ ୧୦ ତାରିଖ ଦିନ ସେସୁର ଆବେଦନ ଉପରେ ଶୁଣାଣୀ ହେବ । ସେହିପରି ୧୨ ତାରିଖରେ ୱେସ୍କୋ ଓ ୧୪ ତାରିଖରେ ସାଉଥକୋର ଆବେଦନ ଉପରେ ଶୁଣାଣୀ ହେବ ।
ଉଲ୍ଲେଖନୀୟ ଯେ ବିଦ୍ୟୁତ ଦର ବଢାଇବା ପାଇଁ ବିଭିନ୍ନ ବିତରଣ କମ୍ପାନୀ ଆବେଦନ କରିଛନ୍ତି । ତେଣୁ ସେମାନଙ୍କ ଆବେଦନ ନେଇ ଏହି ଶୁଣାଣୀ ଆରମ୍ଭ ହୋଇଛି ।
