କଟକରେ ନକଲି ରିଫାଇନ୍ ତେଲ କାରଖାନା ଉପରେ ଚଢାଉ
ଭୁବନେଶ୍ୱର,୨୨ ଜାନୁଆରୀ – କଟକରୁ ନକଲି ଖାଇବା ତେଲ କାରଖାନା ଠାବ ହୋଇଛି । କଟକ ଚୌଦ୍ୱାର ମଙ୍ଗୁଳି ଛକ ନିକଟରେ ଏହି ତେଲ କାରଖାନା ଚାଲିଥିଲା । ବୁଧବାର ଟାଙ୍ଗୀ ପୋଲିସ୍ ଆକସ୍ମିକ ଭାବେ ସେଠାରେ ଚଢାଉ କରି ଶହଶହ ନକଲି ରିଫାଇନ୍ ତେଲ ପ୍ୟାକେଟ ଜବତ କରିଛି ।
ସୂଚନାଯୋଗ୍ୟ, ମଙ୍ଗୁଳି ଛକ ନିକଟରେ ଥିବା ଗଜାନନ ରିଫାଇନ୍ ଅଏଲ୍ କମ୍ପାନିରେ ନକଲି ରିଫାଇନ୍ ତେଲ ପ୍ୟାକେଟ ତିଆରି ହେଉଥିବା ପୋଲିସ୍ ସୂଚନା ପାଇଥିଲା । ଏହାପରେ ଏକ ସ୍ୱତନ୍ତ୍ର ଯୋଜନା କରି ପୋଲିସ ଆକସ୍ମିକ ଭାବେ ଏହି ରିଫାଇନ୍ ତେଲ କାରଖାନା ଉପରେ ଚଢାଉ କରି କାରଖାନକୁ ସିଲ କରିବା ସହିତ ସେଠାରେ ତିଆରି ହୋଇଥିବା ଶହଶହ ନକଲି ରିଫାଇନ୍ ତେଲ ପ୍ୟାକେଟକୁ ଜବତ କରିଥିଲା ।
