ହରିୟାଣାର ଯୁବକକୁ ଅପହରଣ : ୧ଲକ୍ଷ ଟଙ୍କା ମାଗିବା ଘଟଣା
ଅପହୃତ ଉଦ୍ଧାର, ୬ ଅପହରଣକାରୀ ଗିରଫ
ଜୟପୁର, ୨୪ ଅକ୍ଟୋବର – ଜୟପୁର ଟାଉନ ପୋଲିସ ଅପହରଣ ହୋଇଥିବା ଯୁବକକୁ ଉଦ୍ଧାର କରି ୬ ଜଣକୁ ଗିରଫ କରିଛି । ପୋଲିସ ସୁତ୍ର ରୁ ପ୍ରକାଶ ଯେ ହରିୟାଣାର ପ୍ରମୋଦ କୁମାର ଯାଦବ ଗତ ୨୨ ତାରିଖରେ ଜୟପୁର ଆସି ଥିଲେ । ତାଙ୍କ ନାମରେ ଥିବା ମାମଲାରେ କୋର୍ଟ ରେ ହାଜର ହେବାକୁ ଆସିଥିଲେ । କୋର୍ଟ ରେ ହାଜର ହେବା ପରେ ସରକାରୀ ବସଷ୍ଟାଣ୍ଡ ପାଖରେ ଠିଆ ହୋଇଥିଲେ ।
ଗତ ଦିନରେ ଏକ ମାମଲାର ପ୍ରମୋଦ ଜେଲରେ ରହିଥିଲେ । ଜେଲରେ ରହିବା ସମୟରେ କେତେ ଜଣ ଅଭିଯୁକ୍ତ ଙ୍କ ସହ ସମ୍ପର୍କ ହୋଇଥିଲା । ସେହି ୨ ଜଣ ଯୁବକ ସହ ପ୍ରମୋଦର ଦେଖା ହୋଇଥିଲା । ସେମାନେ ପ୍ରମୋଦକୁ ଆସ ଚା ପିଇବା ବୋଲି ବାଇକରେ ବସାଇ ଜୟପୁର ସଦର ଥାନା ଅନ୍ତର୍ଗତ ଦୁବୁଲିରେ ପରିତ୍ୟକ୍ତ ଘରକୁ ନେଇଥିଲେ । ସେଠାରେ ପୁର୍ବରୁ ଅନ୍ୟ ୪ ଜଣ ଦୁର୍ବୁତ ଥିଲେ । ପ୍ରମୋଦକୁ ସେହି କଠୋରିରେ ରଖି ନିସ୍ତୁକ ମାଡ ମାରି ତାଙ୍କ ଘରକୁ ଫୋନ କରିଥିଲେ । ୧ ଲକ୍ଷ ଟଙ୍କା ନଦେଲେ ପ୍ରମୋଦକୁ ହତ୍ୟା କରିବୁ ବୋଲି ଧମକ ଦେଇଥିଲେ ।
ପରେ ପ୍ରମୋଦଙ୍କ ଆଇନଜୀବି ବିଜୟ କୁମାର ରାୟ ଜନାଦେଓ ଜାଣିବାକୁ ପାଇଲେ, ସେ ଟାଉନ ଥାନାରେ ଲିଖିତ ଅଭିଯୋଗ କରିଥିଲେ । ଅଭଯୋଗ ପାଇ ପୋଲିସ ୨୫୭/ ୧୯ ମାମଲା ରୁଜୁ କରି ଦୁବୁଲି ପରିତ୍ୟକ୍ତ ଘରୁ ପ୍ରମୋଦକୁ ଉଦ୍ଧାର କରିବା ସହ ଜୟପୁର ସଦର ଥାନା ଅନ୍ତର୍ଗତ ଗଡପଦର ଗ୍ରାମର ଗୌରବ ହରିଜନ (୨୧) ନବିନ ବେନିଆ (୩୨) ଡମ୍ବୁରୁ ବେନିଆ (୨୩) ବାରିଣିପୁଟର ରୋହିତ ମେନନ (୨୦) ଜୟପୁର ଟାଉନ ପାରାବେଢାର ଖାଲସାହିର ସଞ୍ଜୟ ସାହା (୨୭) ହୋଇଥିବା ବେଲେ ରାୟଗଡି ଜିଲା ମୁନିଗୁଡା ଥାନା ଅନ୍ତର୍ଗତ ଟିକରପଡା ଷ୍ଟେସନ ସାହିର ନରେନ୍ଦ୍ର କୌଶଲ୍ୟା (୨୧) କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବିଷୟ ଟାଉନ ଥାନା ଅଧିକାରୀ ବାଲେଶ୍ୱର ଗିଧି ପ୍ରକାଶ କରିଛନ୍ତି ।
