ସୁନା ଦୋକାନରୁ ଚୋରୀ
୧୩ ଲକ୍ଷ ମୂଲ୍ୟର ଅଳଙ୍କାର ଲୁଟିନେଲେ
ଗଞ୍ଜାମ, ୮ ଜୁଲାଇ – ଗତକାଲି ବିଳମ୍ବିତ ରାତିରେ ସୋରଡ଼ା ବଡ଼ଦାଣ୍ଡ ବଜାରରେ ଥିବା ଏକ ସୁନା ଦୋକାନରୁ ବଡ଼ ଧରଣର ଚୋରୀ ହୋଇଛି । ପ୍ରାୟ ୩ ଜଣ ଚୋର ସୁନା ଦୋକାନର ଗ୍ରୀଲ୍ ଓ କବାଟ ଭାଙ୍ଗି ଦୋକାନରୁ ୪୦୦ ଗ୍ରାମ୍ ଓଜନର ସୁନା ଓ ରୂପା ଅଳଙ୍କାର ଚୋରୀ କରି ନେଇଛନ୍ତି । ଚୋରୀ ହୋଇଥିବା ଅଳଙ୍କାରର ମୂଲ୍ୟ ପ୍ରାୟ ୧୩ ଲକ୍ଷ ଟଙ୍କା ହେବ । ଆଜି ସକାଳେ ଦୋକାନ ମାଲିକଙ୍କ ଠାରୁ ଏ ସମ୍ପର୍କରେ ଖବର ପାଇ ସୋରଡ଼ା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଚଳାଇଛି । ତଦନ୍ତରେ ବାଧା ଉପୁଜିବା ଆଶଙ୍କାରେ ପୋଲିସ ଏନେଇ ଅଧିକ ତଥ୍ୟ ଦେଉନଥିଲେ ମଧ୍ୟ ତୁରନ୍ତ ଚୋରମାନେ ଧରାପଡିବେ ବୋଲି ଥାନା ଅଧିକାରୀ ପ୍ରଭାତ ସାହୁ ସୂଚନା ଦେଇଛନ୍ତି ।
