ଜଙ୍ଗଲରେ ଯୁବତୀଙ୍କୁ ଗଣଦୁଷ୍କର୍ମ : ତିନି ଗିରଫ
ରାଉରକେଲା, ୩୧ ଅକ୍ଟୋବର – ସୁନ୍ଦରଗଡ ଜିଲ୍ଲା ଚାନ୍ଦିପୋଷ ଅଂଚଳର ଖୁକୁଣ୍ଡବାହାଲ ଜଙ୍ଗଲରେ ରାତି ତମାମ ୩ଜଣ ଯୁବକ ଜଣେ ଯୁବତୀକୁ ଦୁଷ୍କର୍ମ କରିବା ମାମଲାରେ ଉଭୟ ଚାନ୍ଦିପୋଷ ଓ କୁଆଁରମୁଣ୍ଡା ପୁଲିସ ୩ ଅଭିଯୁକ୍ତଙ୍କୁ କୁଆଁରମୁଣ୍ଡା ଅଂଚଳରୁ ଆଜି ଗିରଫ କରିଛନ୍ତି ।
ବିବରଣୀରୁ ପ୍ରକାଶ, ଗତ ୨୯ତାରିଖ ରାତିରେ କୁଆଁରମୁଣ୍ଡାର ବିଜୟ ଓରାମ(୨୫), ରଂଜିତ ଟପୋ(୨୬) ଓ ସଂଜିତ ଟପୋ(୨୭) କୌଣସି କାମରେ ଚାନ୍ଦିପୋଷ ଥାନା ଏରିଆର ହାତୀଗୁଡା ଗ୍ରାମକୁ ଯାଇଥିଲେ ।ସେଠାରୁ ସୁଯୋଗ ପାଇ ୨ଜଣ ଯୁବତୀଙ୍କୁ ସେହି ଗ୍ରାମରୁ ପାଖ ଜଙ୍ଗଲକୁ ନେଇ ବଳାକ୍ରାର ଲାଗି ଉଦ୍ୟମ କରୁଥିବା ବେଳେ ସେମାନଙ୍କ କବଳରୁ ଜଣେ ଖସିଯାଇଥିଲା । ପରେ ରହି ଯାଇଥିବା ଯୁବତୀ ଜଣଙ୍କୁ ଏହି ୩ଜଣ ଅଭିଯୁକ୍ତ ରାତି ତମାମ ଦୁଷ୍କର୍ମ କରିବା ସହ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଘଟଣାସ୍ଥଳରେ ଛାଡି ଯାଇଥିଲେ । କୌଣସି ପ୍ରକାରେ ଯୁବତୀ ଜଣକ ଘରକୁ ଫେରି ପରିବାର ଲୋକଙ୍କୁ ସବୁ କହିବା ପରେ ପରିବାର ପକ୍ଷରୁ ଚାନ୍ଦିପୋଷ ଥାନାରେ ଏତଲା ହୋଇଥିଲା । ଏତଲାକୁ ଭିତି କରି ଉଭୟ ପୋଲିସ ଆଜି ଏହି ୩ ଜଣଙ୍କୁ ଗିରଫ କରିଥିବା ପ୍ରକାଶ । ବିଗତ କିଛି ଦିନ ଧରି ଏହି ସବୁ ଅଂଚଳରେ ଏଭଳି ମାମଲା ବଢିଚାଲିଥିବା କୁହାଯାଉଛି ।
