ସାମ୍ବାଦିକଙ୍କୁ ମରଣାନ୍ତକ ଆକ୍ରମଣ, ଲୁଟ୍
ବାଲେଶ୍ୱର, ୩୧ ମଇ – ବାଲେଶ୍ୱର ଜିଲ୍ଲା ବାଲିଆପାଳ ପାରୁଲିଆ ନିକଟସ୍ଥ ଗୁନାପୁର ଛକରେ ଏକ ଦୈନିକ ସମ୍ବାଦପତ୍ରର ସାମ୍ବାଦିକ ପ୍ରତାପ ପାତ୍ରଙ୍କୁ ମରଣାନ୍ତକ ଆକ୍ରମଣ ହୋଇଥିବା ଅଭିଯୋଗ ହୋଇଛି । ଦୁର୍ବୃତମାନେ ତାଙ୍କ ମୁଣ୍ଡକୁ ଭୁଜାଲିରେ ଆକ୍ରମଣ କରିଛନ୍ତି । ଫଳରେ ସେ ଗୁରୁତର ଅବସ୍ଥାରେ ଚିକିତ୍ସାଧିନ ଅଛନ୍ତି ।
ଗତ ରାତିରେ ପ୍ରତାପ ଘରକୁ ଫେରୁଥିବା ବେଳ ୫ ଜଣ ଦୁର୍ବୃତ ଗୁନାପୁର ଛକରେ ତାଙ୍କ ଉପରେ ଅତର୍କିତ ଆକ୍ରମଣ କରିଥିଲେ । ଭୁଜାଲିରେ ତାଙ୍କ ମୁଣ୍ଡକୁ ଚୋଟ ପକାଇବାରେ ସେ ତଳେ ପଡିଯାଇଥିଲେ । ଏହି ସମୟରେ ଦୁର୍ବୃତ ମାନେ ତାଙ୍କ ନିକଟରୁ ମୋବାଇଲ୍ ଓ ସୁନାଚେନ୍ ଛଡାଇ ନେଇ ଘଟଣାସ୍ଥଳରୁ ଫେରାର୍ ହୋଇଯାଇଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ପ୍ରତାପଙ୍କ ଚିକ୍ରାର ଶୁଣି ସ୍ଥାନୀୟ ଲୋକେ ସେଠାରେ ପହଂଚି ତାଙ୍କୁ ଉଦ୍ଧାର କରିଥିଲେ । ତାଙ୍କୁ ପ୍ରଥମେ ବାଲିଆପାଳ ଏବଂ ପରେ ଅଧିକ ଚିକିତ୍ସା ନିମନ୍ତେ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ସମ୍ପ୍ରତି ତାଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ପରିଲକ୍ଷିତ ହୋଇଛି ।
