ରସୁଲଗଡ ରୁ ପଳାଶୁଣୀ ମରଣଯନ୍ତା – ରାସ୍ତା ଶୋଚନୀୟ l
ଭୁବନେଶ୍ୱର ୨୨।୯ :- ଶନିବାର ଅପରାହ୍ନରେ ମଞ୍ଚେଶ୍ୱର ଥାନା ଅଧୀନ ପଳାଶୁଣି ଛକରେ ବସ୍ ଓ ଟ୍ରକ୍ ମଧ୍ୟରେ ଦୁର୍ଘଟଣା ଘଟିଛି । ଘଟଣାରୁ ପ୍ରକାଶ ଯେ , ଭୁବନେଶ୍ୱର ବରମୁଣ୍ଡା ବସଷ୍ଟାଣ୍ଡରୁ ଏକ ଯାତ୍ରୀବାହୀ ବସ ବାହାରି କଟକ ଅଭିମୁଖେ ଯାଉଥିବା ବେଳେ ପଳାଶୁଣି ଛକରେ ଏକ ଟ୍ରକ ପଛରୁ ଧକ୍କା ଦେଇଥିଲା । ଫଳରେ ବସରେ ଯାଉଥିବା ଯାତ୍ରୀଙ୍କ ମଧ୍ୟରୁ ୯ ଜଣ ଗୁରୁତର ଆହତ ହୋଇଥିଲେ । ଚିକିତ୍ସା ପାଇଁ ସେମାନଙ୍କୁ ତୁରନ୍ତ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜଣେ ମହିଳାଙ୍କ ଗୋଡ କଟା ଯାଉଥିବା ଜଣାପଡ଼ିଛି । ମଞ୍ଚେଶ୍ୱର ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକ ଓ ବସ କୁ ଜବତ କରି ତଦନ୍ତ ଚଳାଇଛି ।
