ରଥଯାତ୍ରା ପ୍ରସାରଣକୁ ନେଇ ହାଇକୋର୍ଟରେ ମାମଲା
ଭୁବନେଶ୍ୱର, ୧୦ ଜୁନ୍ – ପୁରୀ ରଥଯାତ୍ରାର ସିଧା ପ୍ରସାରଣକୁ ନେଇ ସୃଷ୍ଟି ହୋଇଥିବା ବିବାଦ ଘନେଇବାରେ ଲାଗିଛି । ସୋମବାର ଏହି ପ୍ରସଙ୍ଗ ନେଇ ଓଡ଼ିଶା ହାଇକୋର୍ଟରେ ଏକ ଜନସ୍ୱାର୍ଥ ମାମଲା ରୁଜୁ ହୋଇଛି । ରଥଯାତ୍ରାର ସିଧା ପ୍ରସାରଣ ପାଇଁ ନିଲାମ ବିଜ୍ଞପ୍ତିକୁ ରଦ୍ଦ କରିବାକୁ ଆବେଦନ କରି ପ୍ରସନ୍ନ କୁମାର ଦାଶ ହାଇକୋର୍ଟରେ ଏହି ମାମଲା ଦାୟର କରିଛନ୍ତି । ସୂଚନାଯୋଗ୍ୟ ଶ୍ରୀ ମନ୍ଦିରର ଆୟ ବୃଦ୍ଧି ଲାଗି ମନ୍ଦିର ପ୍ରଶାସନ ପକ୍ଷରୁ ଚଳିତ ବର୍ଷ ପ୍ରଥମଥର ପାଇଁ ରଥଯାତ୍ରାର ସିଧା ପ୍ରସାରଣ ଅଧିକାର ପାଇଁ ନିଲାମ ଆହ୍ୱାନ କରିଛନ୍ତି ।
ଅନ୍ୟପକ୍ଷରେ ସିଧା ପ୍ରସାରଣ ନେଇ ହୋଇଥିବା ନିଲାମିରେ ଓଟିଭି ସର୍ବାଧିକ ୫୪ ଲକ୍ଷ ଟଙ୍କାର ନିଲାମୀ ଡାକିଛି । ଏହା ପଛକୁ ଏମବିସି ଟିଭି ୩୬ ଲକ୍ଷ, ନ୍ୟୁଜ୧୮ ୧୫ ଲକ୍ଷ, କଳିଙ୍ଗ ଟିଭି ୧୦ ଲକ୍ଷ, ପ୍ରାର୍ଥନା ଟିଭି ୧୦ ଲକ୍ଷ, ସାଧନା ଟିଭି ୪ଲକ୍ଷ ୪୪ହଜାର ଓ କନକ ଟିଭି ଏକ ଲକ୍ଷ ୨୫ ହଜାର ଟଙ୍କାର ନିଲାମୀ ଡାକିଛନ୍ତି ।
