ପତ୍ନୀକୁ ଗୋଡାଇ ଗୋଡାଇ ହାଣିଲା ସ୍ୱାମୀ : ଅଭିଯୁକ୍ତ ଗିରଫ
ବାଲେଶ୍ୱର, ୩୧ ମଇ – ବାଲେଶ୍ୱର ଜିଲ୍ଲା କମର୍ଦ୍ଦା ଥାନା ଅଂଚଳରେ ଜନୈକ ବ୍ୟକ୍ତି ତା’ର ପତ୍ନୀକୁ ଗୋଡାଇ ଗୋଡାଇ ଅତ୍ୟନ୍ତ ନିର୍ମମ ଭାବେ ହତ୍ୟା କରିଥିବା ଅଭିଯୋଗ ହୋଇଛି । ଘଟଣାରେ ପୋଲିସ ଅଭିଯୁକ୍ତ ସ୍ୱାମୀ କମଳାକାନ୍ତକୁ ଗିରଫ କରିଛି । କମଳାକାନ୍ତର ଘର ପଶ୍ଚିମବଙ୍ଗ ରାଜ୍ୟର ରାମନଗର ଅଂଚଳରେ ।
କମଳାକାନ୍ତ କମର୍ଦ୍ଦା ଅଂଚଳରେ ଏକ ଭଡ଼ା ଘରେ ପିତଳ ନିର୍ମିତ ସରଞ୍ଜାମ ଦୋକାନ କରନ୍ତି । ସେଥିରୁ ଯାହା ରୋଜଗାର ହୁଏ ସେଥିରେ ପରିବାର ଚଳାନ୍ତି । ଗତକାଲି ବିଳମ୍ବିତ ରାତିରେ କମଳାକାନ୍ତ ଓ ତାଙ୍କ ପତ୍ନୀଙ୍କ ମଧ୍ୟରେ କୌଣସି କଥାକୁ ନେଇ ପାଟିତୁଣ୍ଡ ହୋଇଥିଲା । ଏଥିରେ ସେ ଉତକ୍ଷିପ୍ତ ହୋଇ ପତ୍ନୀକୁ ଗୋଡାଇ ଗୋଡାଇ ଅତ୍ୟନ୍ତ ନିର୍ମମ ଭାବେ ହାଣି ହତ୍ୟା କରିଥିଲା । ମହିଳାଙ୍କ ଚିକ୍ରାର ଶୁଣି ସ୍ଥାନୀୟ ଲୋକେ ଘଟଣାସ୍ଥଳରେ ପହଂଚି ପୋଲିସକୁ ଖବର ଦେଇଥିଲେ । ଇତିମଧ୍ୟରେ ଅଭିଯୁକ୍ତ ସ୍ୱାମୀ କମଳାକାନ୍ତ ସେଠାରୁ ଫେରାର୍ ହୋଇଯାଇଥିଲା । ପରେ ପୋଲିସ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି । ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
