ନାବାଳିକା ଅପହୃତା ଉଦ୍ଧାର, ଅପହର୍ତା କୋର୍ଟ ଚାଲାଣ
କୋରେଇ, ୨୦ ସେପ୍ଟେମ୍ବର – ପାଣିକୋଇଲି ପୁଲିସ ଅପହୃତା ନାବାଳିକାକୁ ଉଦ୍ଧାର କରିବା ସହ ଅପହର୍ତାକୁ ଗିରଫ କରି କୋର୍ଟ ଚାଲାଣ କରିଛି । ପ୍ରକାଶଯେ ଭଦ୍ରକ ଜିଳ୍ଲା ଭଣ୍ଡାରୀ ପୋଖରୀ ଥାନା ଅନ୍ତର୍ଗତ ଝୁଂଟୁଣା ଗ୍ରାମର ଦାମୋଦର ପରିଡାଙ୍କ ଝିଅ ତାଙ୍କ ମାମୁଁ ଘର ପାଣିକୋଇଲି ଥାନା ଅନ୍ତର୍ଗତ ପଥରପଦା ଗ୍ରାମକୁ ଅଜାଙ୍କ ଶୁଦ୍ଧି କାର୍ଯ୍ୟରେ ଆସିଥିଲା । ଏକାଦଶାହ ଦିନ ରାତ୍ରୀରେ ଖିଆପିଆ ସରିବା ପରେ ଝିଅ ନିଖୋଜ ହେବାରୁ ତାକୁ ଅପହରଣ କରାଯାଇଥିବା ନେଇ ଥାନାରେ ଅଭିଯୋଗ ହୋଇଥିଲା । ପୁଲିସ ଏନେଇ ଏକ ମାମଲା ୧୭୧/୧୯ରୁଜ୍ଜୁ କରି ତଦନ୍ତ ଜରିରଖିଥିଲା ।
ତଦନ୍ତ ମୁତାବକ କଟକ ସିଟି ହସପିଟାଲ ନିକଟରୁ ଅପହରଣକାରୀ ଓ ଅପହୃର୍ତା ନାବାଳିକା ଧରିବାକୁ ସକ୍ଷମ ହୋଇଥିଲା । ନାବାଳିକାକୁ ତାର ପରିବାର ଜିମା ଦିଆଯାଇଥିବା ବେଳେ ଅପହର୍ତା ଜଗତସିଂହପୁର ଜିଲ୍ଲା ଏରସମା ତାନା ଅନ୍ତର୍ଗତ କୋଚିଳାବେଦୀ ଦୁର୍ଗାପୁର ଗ୍ରାମର ବେଣୁଧର ସ୍ୱାଇଁଙ୍କ ପୁଅ ରାଜେଶ ସ୍ୱାଇଁ(୨୩)ଙ୍କୁ ଗିରଫ କରାଯାଇ ଦଫା ୩୬୩,୩୬୬, ୩୭୬ (୨) ଆଇପିସି ୬ ପୋସ୍କୋ ଆକ୍ଟରେ କୋର୍ଟ ଚାଲାଣ କରିଥିବା ବେଳେ ତା ଜାମିନ ନାମଜୁଂର ହେବାରୁ ତାକୁ ରଗଡି ଜେଲକୁ ପଠାଇ ଦିଆଯାଇଛି ।
