ଦେଶୀ ମଦ ସହ ବାଇକ ଜବତ, ୨ ଗିରଫ
ଧର୍ମଶାଳା, ୦୧ ମାର୍ଚ୍ଚ – ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ବନ୍ଧଡିହ ପଂଚାୟତ ବନ୍ଧଡିହ ଗ୍ରାମ ନିକଟରୁ ଦେଶୀ ମଦ ସହିତ ଏକ ବାଇକକୁ ପୁଲିସ ଜବତ କରିଛି । ଏହି ଘଟଣାରେ ପୁଲିସ ୨ ଜରଙ୍କୁ ଗିରଫ କରି କୋର୍ଟ ଚାଲାଣ କରିଛି । ଘଟଣାରୁ ପ୍ରକାଶ ଯେ ଗତ କାଲି ରାତିରେ ବାଲିଚନ୍ଦ୍ରପୁର ଥାନା ଅନ୍ତର୍ଗତ ନିଆଳି ଗ୍ରାମର ବ୍ରଜ ସୁନ୍ଦର ଧଳଙ୍କୁ ପୁଅ ସୁନିଲ(୨୫) ଏବଂ ତାଙ୍କ ଘରେ ଶ୍ରମିକଭାବେ କାମ କରୁଥିବା କେନ୍ଦୁଝର ଗ୍ରାମର ବାଦଲ ହେମରମ(୩୦) ଦୁହେଁ ଏକ ବାଇକରେ ବ୍ରହ୍ମବରଦା ଅଂଚଳରୁ ୨ପେଟି ଦେଶୀ ମଦ(ଆସକା ଫର୍ଟି) ନେଇ ଯାଉଥିବା ସମୟରେ କୌଣସି ମତେ ବ୍ରହ୍ମବରଦା ପୁଲିସ ଖବର ପାଇ ସେମାନଙ୍କୁ ପିଛା କରି ବନ୍ଧଡିହ ନିକଟରୁ ସେମାନଙ୍କୁ ଅଟକାଇଥିଲେ ।
ଏହି ପେଟିରେ ୪୮ ବୋତଲ ଆସକା ଫର୍ଟି ଥିବା ଜାଣିବାକୁ ପାଇଥିଲେ । ଉକ୍ତ ମଦ ସହ ବାଇକକୁ ଜବତ କରିବା ସହିତ ସୁନିଲ ଓ ବାଦଲକୁ ଗିରଫ କରିଥିଲେ । ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଥିବା ପୁଲିସ ପ୍ରକାଶ କରିଛି ।
