ଟଙ୍କା ବାଂଟୁଥିବା ବେଳେ ଗ୍ରାମବାସୀଙ୍କ ଦ୍ୱାରା ପଚାଂୟତ ନିର୍ବାହୀ ଅଧିକାରୀ ଅଟକ
ନୟାଗଡ଼, ୨୩ ଅପ୍ରେଲ – ଭୋଟ୍ ପାଇଁ ଟଙ୍କା ବାଂଟୁଥିବା ବେଳେ ଗ୍ରାମବାସୀଙ୍କ ହାବୁଡ଼ରେ ଧରାପଡି ହଟହଟା ହୋଇଛନ୍ତି ପଚାଂୟତ ନିର୍ବାହୀ ଅଧିକାରୀ । ଘଟଣା ଘଟିଛି ନୟାଗଡ଼ ଜିଲ୍ଲା ରଣପୁର ବ୍ଲକରେ ।
ଗତକାଲି ବିଳମ୍ବିତ ରାତିରେ ଏକ ନିର୍ଦ୍ଦିଷ୍ଟ ଦଳ ପାଇଁ ଭୋଟରଙ୍କୁ ପ୍ରଭାବିତ କରିବା ଉଦ୍ଦେଶ୍ୟରେ କାଣ୍ଡପଡା ପଂଚାୟତର ନିର୍ବାହୀ ଅଧିକାରୀ ସରୋଜ ସାହୁ ଟଙ୍କା ବାଂଟୁଥିଲେ । ଖବର ପାଇ ଗ୍ରାମବାସୀ ସେଠାରେ ପହଂଚି ତାଙ୍କୁ କାବୁ କରି ନେଇଥିଲେ । ଗ୍ରାମବାସୀ ମାନେ ସେଠାରେ ତାଙ୍କୁ ଏକ ଗଛରେ ବାନ୍ଧି ଅଟକ ରଖିଥିଲେ । ପୋଲିସ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ପଚାଂୟତ ନିର୍ବାହୀ ଅଧିକାରୀଙ୍କୁ ସେଠାରୁ ଉଦ୍ଧାର କରିଥିଲା । ଘଟଣା ସମ୍ପର୍କରେ ପୋଲିସ ପକ୍ଷରୁ ଅଧିକ ତଦନ୍ତ ଜାରୀ ରହିଛି ।
