ଉଚ୍ଛେଦ ପ୍ରତିବାଦରେ ଟାୟାର ଜାଳି ରାସ୍ତା ଅବରୋଧ କଲେ ବସ୍ତି ବାସିନ୍ଦା
ଭୁବନେଶ୍ୱର, ୦୧ ଅକ୍ଟୋବର- ଖଣ୍ଡଗିରି ତପୋବନ ହାଇସ୍କୁଲ ନିକଟରେ ଥିବା ବସ୍ତି ଗୁଡିକୁ ମଙ୍ଗଳବାର ଉଚ୍ଛେଦ କରାଯାଇଛି । ଏହାକୁ ବିରୋଧ କରି ବସ୍ତି ବାସିନ୍ଦା ମାନେ ଜାତୀୟ ରାଜପଥ ଉପରେ ଟାୟାର ଜାଳି ବିକ୍ଷୋଭ କରିଥିଲେ । ବରମୁଣ୍ଡା ବସଷ୍ଟାଣ୍ଡର ଅସ୍ଥାୟୀ ସ୍ଥାନାନ୍ତର ପାଇଁ ସମ୍ପୃକ୍ତ ସ୍ଥାନରେ ଉଚ୍ଛେଦ କରାଯାଇଛି ।
ଅନ୍ୟପକ୍ଷରେ ଭୁବନେଶ୍ୱର ଚନ୍ଦ୍ରଶେଖରପୁର ଠାରେ ଥିବା ଆରଟିଓ -୨ ଅଫିସ୍ ନିକଟରୁ ଦଲାଲମାନଙ୍କ ଚାଳିଆ , ଝୁମ୍ପୁଡି ଓ ଗୁମୁଟି ହଟାଯାଇଛି । ବିଡିଏ , ବିଏମସି ଓ ପୋଲିସ୍ ପ୍ରଶାସନ ପକ୍ଷରୁ ବୁଲଡୋଜର ଲଗାଯାଇ ସେଗୁଡିକୁ ହଟାଯାଇଛି । ଗତିକାଲି ଆରଟିଓ-୧ ଅଫିସ୍ ସମ୍ମୁଖରେ ଥିବା ଦଲାଲଙ୍କ ଚାଳିଆକୁ ଉଚ୍ଛେଦ କରାଯାଇଥିଲା ।
