ଅଳିଆ ଗଦାରୁ ମିଳିଲା ଶିଶୁ ପୁତ୍ରର ମୃତଦେହ
ଜୟପୁର ,୨୯ ମଇ – କୋରପୁଟ ଜିଲା ଜୟପୁର ସହର ପାରାବେଢା ଠାରେ ଥିବା ଏକ ପରିତ୍ୟକ୍ତ ଅଳିଆ ଗଦାରୁ ବୁଧବାର ଏକ ଶିଶୁ ପୁତ୍ରର ମୃତ ଦେହ ଉଦ୍ଧାର ହୋଇଛି । ଅଳିଆ ଗଦା ନିକଟରେ ମୃତଦେହଟିକୁ କୁକୁର ଭିଣି ଖାଉଥିବା ବେଳେ ସ୍ଥାନୀୟ ଲୋକେ ଦେଖିଥିଲେ ଏବଂ ପୋଲିସ୍ କୁ ଖବର ଦେଇଥିଲେ । ଟାଉନ ପୋଲିସ ଘଟଣାର ତଦନ୍ତ କରୁଛି । ଲୋକ ଲଜ୍ଜା ସହି ନପାରି କେହି ଶିଶୁପୁତ୍ର ହତ୍ୟା କରି ଅଳିଆ ଭଦାକୁ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଜୟପୁର ସହରରେ ଅଲୋଡା ଶିଶୁ ଘଟଣା ବାରମ୍ବାର ଦେଖିବାକୁ ମିଳିଛି । ଗତ ୬ମାସ ଭିତରେ ୨ ଟି ଶିଶୁ କନ୍ୟା କୁ ଜୀବିତ ଅବସ୍ଥାରେ ଉଦ୍ଧାର କରାଯାଇଥିଲା ।
